العنايه بالطفل داخل المحضن

(حالات الملاحظه)

- وضع الطفل على الدفاية heater))
- وزن الطفل
- وضع الطفل على pulse oximeter
- قياس السكر ( وفى حالات السكر قليل بنركب كانيولا )
- قياس الحراره
- نضع نيزال كانيولا فى حالات ال RDS فقط
- لا تزيد فترة الملاحظه من اتنين الى تلاته ساعه وان زادت يكون بامر من الطبيب هيتحجز او اتحسن وهيخرج

                          (حالات الدخول)

خلاص الطفل هيتحجز فى الحضانه:
- وزن الطفل
- قياس السكر
- قياس محيط الرأس والبطن والصدر
- تشفيط من الانف والفم
- تركيب رايل ( انبوبه تغذيه )
- تركيب كانيولا
- وضعID مدون علية اسم و تاريخ الدخول ونوع الطفل والتشخيص
- تجهيز المحضن بالفرش والتدفئه ومسح المحضن بكحول ووضع pulse oximeter و  syringe pumpواحضار الجهاز المطلوب لو نيزال هحتاج مخرج اكسجين وهيمودفير واتاكد من وجود ماء لترطيب الاكسجين قبل الدخول للطفل                               

- وفى حالات دخول الطفل على سباب ( cpap ) نجهز وصلات السباب
- طيب لو حاله صفراء هنجهز المحضن ونضع عليه pulse oximeterوعدد اجهزة العلاج الضوئى احادى او ثنائى او ثلاثى ولو محتاج كبسوله هنجهز الكبسوله بالاضافه الى pulse oximeter
- بالنسبه لحالة الفنت هتدخل على heater مزرقة cyanosis
تجهيزادوات تركيب انبوبه حنجرية:
1. منظار حنجرى مقاس 00 او 0
2. امبو باج متوصل بمصدر اكسجين
3. انبوبه حنجريه حسب وزن الطفل اقل من 2 كيلو هنجهز مقاس 2.5 و 3 من 2.5 الى 3 كيلو هنجهز مقاس 3 و 3.5 من 3 كيلو الى 4 كيلو هنجهز مقاس 3.5 و 4
4. سماعه
5. بلاستر تثبيت
6. رايل ( انبوبه تغذيه )
7. مشرط جراحى
وفى الحاله دى الطفل هيفضل على heater محافظين على حياته بالامبو باج على ما نجهز المحضن  ووضع pulse oximeter و اتنين سرنجه كهربائيه وجهاز التنفس الصناعى وتركيب الوصلات وتظبيط الجهاز والتاكد من التشغيل
وبعد التجهيز يتم نقل الطفل بالامبو الى المحضن ثم وضعه على جهاز التنفس الصناعى .

(الكير)

كير كل 12 ساعه اساسى
1. اعطاء الادويه لو معادها
طريقة تجهيز الادويه:
مراجعه الادويه من شيت الطفل وفرش ال heaterاو مكان تجهيز الادويه بفرش معقم واحضار الدواء المستخدم و ماء مقطر او لو هيتحل فى جلوكوز وماح هنجهزه نجيب عدد السرنجات المستخدمه ونقوم بفتح السرنجات ووضعها على الفرش بدون لمسها وهاكذا الادويه والمحاليل ونقوم بالتعقيم الجراحى ونرجع للادوات نقوم بتجهيز الكميات على حسب الشيت ووضعها داخل المحضن وتجهز باقي مستلزمات الكير
2. قياس سكر عشوائى للطفل : لاى طفل بياخد محاليل ما عد حالات الصفرا .
3. لو معاد جلسة استنشاق بنعملها
طريقة جلسة الاستنشاق : نجهز الماده المستخدمه حسب الموجود فى شيت الطفل سواء ( فاركولين . بالمكورت . اتروفنت . ديكساميثازون . ادرينالين ) بناخد الكميه المطلوبه من الدواء ونضعها في الماسك ونضيف عليها 2 سم محلول ملح وبعدين نوصل الماسك بمصدر الأكسجين مع امساك الطفل فى وضع الجلوس ونضع الماسك على الوجه كامل بدون ضغط بحيث ان الطفل يستنشق البخار وبكدا يبقى وصلنا العلاج عن طريق القصبه الهوائيه بنجاح وبعد الجلسه نقوم بعمل علاج طبيعى على الصدر من الامام والخلف والجوانب بالتخبيط باليد او بماسك الامبو باج على الجسم لتحريك الافرازات وبعد الانتهاء نقوم بمساعدة الطفل على طرد الافرازات بالتشفيط من الفم والانف .

4. قياس محيط البطن فى حالات الرضاعه عن طريق انبوبه التغذيه
طريقة اعطاء الرضاعه:
تجهيز الكميه المطلوبه فى الببرونه وتجهيز سرنجه 10 سم وامبول ماء مقطر 
الخطوات بعد قياس محيط البطن نقوم بسحب الموجود من المعده للتاكد من هضم اللبن المسبق اعطائه للطفل طيب لو طلع معايا ريزدوال بقوم باتبليغ الطبيب واتباع الازم فى كذا حاجة (1)نرجع الكميه المتبقيه بعد عملية الهضم وتخصيمها من الكميه الجديده (2)نقوم بالتخلص من الكميه المتبقيه ووضع الكميه الجديده كامله (3) نرجع الكميه المتبقيه وتفويت الكميه الجديده على حسب امر الطبيب
طيب خلاص الامور تمام هنعطي الرضعه ازاى ؟

هتسحب البلانجر من السرنج 10 وقفل الرايل قبل وضع السرنجه فى الرايل ونقوم بصب الكميه المطلوبه فى السرنجه 10 سم وتركها تنزل بالجاذبيه الى داخل المعده وبعد الانتهاء نقوم بقفل الرايل وسحب 2 سم ماء مقطر فى السرنجه لغسيلها من اللبن المتبقى وبعد كدا نسحب 2 سم ماء مقطر فى نفس السرنج ووضعهم فى الرايل لكى ننظفها من اللبن الموجود فى الرايل معلومه مهمه لو الطفل على اى مصدر اكسجين نيزال او سباب او فنت بعد ساعه ونص من اعطاء الرضعه نقوم بوضع open rail  فى انبوبه التغئيه للتخلص من الهواء الذائد  داخل المعده
5. تغير البمبرز مع ملاحظه وجود بول او براز ولو  فى براز شكله عامل ازاى سائل ولا متماسك وملاحظه جلد الطفل تحت البمبرز فى احمرار او تسلخات وبعد التغير نقوم بلف البمبرز عشان نوزنه ونعرف كميه البول الخارج قد ايه
طريقة حساب الخارج من البول:

نقوم بوضع البمبرز علي الميزان مثلا وزنه طلع 80 جرام
وزن البمبرز فارغ يساوى 20 جرام
البمبرز لو فيه بول بس هنخصم 20 يطلع كميه البول يبقي 60جرام

ولو فى براز بنقدر وزنه من 5 الى 20 جرام

طيب لو فى بول وبراز هنخصم 20 للبمبرز و 20 للبراز او حسب تقديرك لكميه البراز.

6. التاكد من مكان الكانيولا  ونوع  ومعدل المحاليل

7. رش كحول علي السره ووضع قطره للعين
8. ملاحظه عامه لاى امر غير طبيعى فى الطفل كانيولا ورمه او انتفاخ او  درجه حراره عاليه  او بيجيب رزدوال لونه غريب
9. العنايه بالمحضن والطفل:
نقوم بمسح جسم الطفل بقطعة قطن بها شامبو وماء دافئ ثم التنشيف بقطنه نبتدى من الرائس الى الاطراف
بالنسبه للمحضن نقوم بتغير الفرش ومسح المحضن بكحول من الداخل والخارج
10. تسجيل كل البينات :
اعطاء العلاج . نسبه السكر . محيط البطن . كميه الرضاعه . معدل ضربات القلب . نسبه الاكسجين . عدد التنفس . كميه البول11.اضافه اى ملاحظه عن حالة الطفل



كير كل 24 ساعه
1. نفس كير كل 12 ساعه
2. وزن الطفل بعد تغير البمبرز
3. تغير السرنجات  و اجهزة المحاليل  وقسطرة التشفيط وسرنجات الادويه المستخدمه

- من الحجات الثابته قياس السكر كل 12 ساعه ووزن الطفل وتغير السرنجات واجهزة المحاليل وقسطرة تشفيط وسرنجات الادويه

كير كل 3 ساعات

- بنختار من الكير الشامل على حسب احتياج الطفل :
من اعطاء دواء و رضاعه وتغير بمبرز وتشفيط وجلسه و شاور للطفل وقياس درجه الحرار وقياس عدد التنفس على حسب احتباج الطفل انت بتقرأ الشيت وتشوف الحجات المحددة والمطلوبه وانت بترتب تعمل ايه الاول  مثلا لو فى دواء نعطيه وممكن كمان نركب كانيولا ونسحب منها دم او نعطى فيها ادويه  وممكن كمان نسحب بسن عادى مش شرط كانيولا وبعد كدا قياس السكر كدا الحجات المتعلقه بالدم وبعد كدا عمل جلسة وتشفيط وبعدها نقوم برضاعه الطفل وتغير البمبرز دا مثال للترتيب

عشان مثلا مش مستحب تشفط بعد الرضاعه. فهل ينفع ترضع وبعدها تعمل جلسة وتشف!!!

وكمان مثال ينفع تتعامل مع البمبرز والبول والبراز وبعدها تروح تدى علاج او تسحب دم!!!

كدا خلصنا الكير

(التسليم والتسلم)

ناقص حاجة واحدة ازاى تستلم من زميلك وازاى تسلمه انا عامل ورقة تشيت باختصار هعملكم تصور عنها كدا
عندى عناصر مهمه فى تشيت
اولا هتكلم عن حالة الطفل فى المحضن واكتب تفاصيل كل حاجه: مثال
I received baby on incubator air with N.C 2L/h or cpap air 6L/h air + 2L/h oxygenor m.v ( fio2 90% . RR 40 c/m. pip 12 .peep 5)
الترجمه
انا استلمت الطفل  فى المحضن على نيزال برونج 2 لتر /الساعه طيب لو قولت انه على سباب بذكر العناصر الاساسيه بتاعت السباب 6 لتر / الساعه هواء و 2 لتر / الساعه اكسجين وبيب 5
طيب لو حاله على الفنت هذكر الاربع معدلات المعروفين
fio2 نسبه الاكسجين 90% و RR معدل التنفس 40 نفس فى الدقيقة و pip الضغط المستخدم فى دخول الشهيق 12 و peep الضغط المتبقى فى الرئه بعد عمليت الزفير 5
طيب لو على فنت مهم جدا اقول الحاله متركبها تيوب مقاس كام؟  3 مثلا ومتثبته على 8 مثلا بالمناسبه الطوال الى بنثبت على الانبوبه الحنجريه الوزن + 6 سم يعنى الطفل لو 3 كج يبقى هنثبت على 9 سم
طيب لو كان على سباب وبعد كدا فنت هتبقى الصيغه
I received baby on incubator with cpap 4L/h air + 4L/h o2, peep 5 then miv fio2 80%. RR 40 .pip 14. peep 5

ثانيانتكلم علي المحليل الى بياخدها الطفل:
iv fluid à  neomaint rate 7L/h
بياخد محلول نيومينت على مدار اليوم كامل بمعدل 7 ملى فى الساعه
ثالثانتكلم عن الرضاعه:
- لو بيرضع
feeding ------------ 5 ml/3h
معناها بياخد 5 سم لبن كل 3 ساعات
- لو مش بيرضع
feeding ---------- N.P.O(nothing per oral)+ open rail
معناها لا ياخذ شئ بالفم بالاضافة الى انبوبه تغذيه مفتوحه بضغط سلبى عشان تفرغ الضغط الذائد فى المعده نتيجة انتفاخ او دخول الهواء للمعده بسبب النيزال او السباب او الفنت

رابعاكدا الطفل اخد محاليل ورضاعه يبقى نتكلم بقى عن الخارج
pass ------ urine + stool
طيب لو فى مشكله مافيش براز مثلا
pass ------ urine + no stool 12 H
لا يوجد براز لمده 12 ساعه

خامسااتحط على اكسجين ورضع واخد محاليل وكمان عمل حمام مش هنهزر بقى عاوزين نطمن عليه يبقى النقطه الى بعديها
labs  التحليل والاشعه الى اتعملت فى شفتك
labs -------- chest x. ray + CBC  + CRP
عمل اشعه على الصدر وصورة دم كامله و مكروب فى الدم وبقول لزميلى نتائج التحليل مظبوطه ولا فيها مشاكل طيب لومعملش حاجة فى شفتى
labs ------- non
خمس نقط نختصرهم بقى

1. status
2.iv fluid
3. Feeding
4. Pass
5. Labs

دا الى بيتكتب لكن الى بيتقال
مثال:
الطفل محمد قنير 38 اسبوع TTN دخل امبارح او مثلا يوم 10/7 /2017  الساعه 12 الضهر اتحط ملاحظه ساعتين وبعد كدا دخل الحضانه على نيزال 2 لتر فى الساعه بعد كدا قللنا الاكسجين وهو دلوقتى على واحد لتر فى الساعه واموره مستقره ماشى على جلوكوز 10 % هيتحول معاك الساعه 12 الضهر الى نيومينت بيرضع 5 سم لبن كل 3 ساعات ومافيش ريزدوال وهنزود الرضاعه  حسب ما الدكتور يقرر عمل حمام  كويس مافيش مشكله عمل معايا اشعه على الصدر كويسه وهيعمل معاك CBCو CRP12 الضهر عشان يكون عدى عليه 24 ساعه ونسحب التحليل بعديها.
 بكتب كل حاجة وبسلم من ساعة الدخول عشان زميلى يبقى على علم بالحاله كأنه شغال معاها من ساعت الدخول .